Қызылорда облысында АИ-92 маркалы бензин тапшы

Қызылорда облысында АИ-92 маркалы бензин тапшы. Өңірдегі май-құю бекеттерінде бензиннің бұл түрі бірнеше күннен бері тек талонмен беріліп жатыр.  

Жанар-жағармайдың тапшылығы, әсіресе, ауылдағы көлік жүргізушілеріне қиындық туғызуда. Бензин таппаған жұрт май құю бекеттерін жағалап жүр. «Облысқа мұнай өңдеу зауыттарынан қажетті мөлшерде шикізаттың жеткізілмеуінен АИ 92-нің тапшылығы туындады», - дейді мамандар.   

Айдос Айсауытов, облыстық Кәсіпкерлік және туризм басқармасы бөлім басшысының міндетін атқарушы:
Басты себебі - мұнай өңдеу зауыттарынан мұнай тасымалдаушы вагондардың жетіспеушілігі. Қазіргі уақытта, бұл мәселе облыс әкімдігінің тұрақты бақылауында. ҚТЖ мен Энергетика министрлігімен тиісті жұмыстар жүргізілуде.

Әділбек Серікұлы