Жаңаөзенге бөлінген газды ұрлағандар ұсталды

Жаңаөзенде сұйытылған газды ұрлағандар ұсталды. 55 тонна отын тиеген үш көлік қаладан шыға берісте тоқтатылды. Жаңаөзенде газ тапшылығын жойып, бағаны төмендету үшін, кеше «Қазақ газ өңдеу» зауыты 166 тонна сұйытылған газ бөлді. Нәтижесінде 1 литр газдың құны - 60 теңгеге түсті. Ұсталғандар- кәсіпкерлер, олар осы әкелінген отынды ұрлап бара жатқан. Бірақ, мониторинг топ жолдарын кесіп, газ Жаңаөзендегі бекеттерге таратылды. Облыстағы бекеттерге кешелі бері газ таратылып жатыр, дегенмен тапшылық әлі бар. Сондықтан, өңірге бірер күнде Ақтөбе облысынан 504 тонна сұйытылған газ жеткізіледі.

Аягөз Оралбайқызы