287 мыңнан аса азамат зейнетақы қорындағы қаржының бір бөлігін мерзімінен бұрын алды

Қазақстанда 287 мыңнан аса азамат зейнетақы қорындағы қаржының бір бөлігін мерзімінен бұрын алды. Тұрғын үй жағдайын жақсарту үшін салымшылардың шотына қор 1 трлн 3 млрд теңге аударған. Біржолғы зейнетақы төлемінің орташа сомасы 4,7 млн теңге. Ақшасын көбіне Маңғыстау облысы, Алматы мен Нұр-Сұлтан қаласының тұрғындары пайдаланды. Ал белгіленген мерзімде қаржыны жұмсамаған адамдардың 132 млрд теңгесі зейнетақы қорына қайтарылды. Емделу үшін 5200-ден аса адамға 5 млрд теңге берілді. Ал инвестициялық басқарушы компанияларға 1400-ден аса салымшының 3 млрд теңгеден аса ақшасы аударылды. 

Ақерке Бектас