Елбасы Ресей Федерация кеңесінің төрағасымен кездесті

Елбасы Нұрсұлтан Назарбаев та Ресей федералдық жиналысы Федерация кеңесінің төрағасы Валентина Матвиенконы қабылдады. Тараптар екі ел арасындағы қарым-қатынас барлық салада оң бағытта өрбіп жатқанын атап өтті. Валентина Матвиенко барша халықты Қазақстан Тәуелсіздігінің 30 жылдығымен және алдағы Астана күнімен құттықтады.

Нұрсұлтан Назарбаев, Қазақстан Республикасының Тұңғыш Президенті-Елбасы: 
Ресей біздің стратегиялық серіктесіміз. Сіздің Қазақстанға келуіңіз парламентаралық қатынастан бөлек, екі ел арасындағы байланысты да нығайта түседі.

Валентина Матвиенко, РФ Федералды жиыны федералды кеңесінің төрағасы: 
Қазақстан бүгінде ең елеулі мемлекеттердің бірі. Аз уақыт ішінде дамыған, өркениетті институт құрып, экономика нарығын қалыптастырдыңыздар. Бұл жолда Нұрсұлтан Әбішұлы, сіздің атқарған еңбегіңіз ерен.

Ақниет Балтанова