Ақтөбеде қар құрсауында қалған жолаушылар құтқарылды

Кешелі бері еліміздің бірақатар өңірінде қарлы боран соғып, жолдар жабылды. 6 өңірде ескерту жарияланды. Ал, Ақтөбе облысында жеті бағытта көлік қатынасына шектеу қойылды. Төтенше жағдайлар департаментінің мамандары қар құрсауынан сегіз адамды құтқарды. Оның екеуі бала. Сондай-ақ, тағы 57 адам эвакуацияланды. Мәселен, «Ақтөбе-Атырау-Астрахань» тас жолының Байғанин ауданындағы бөлігінде жолда қалған 40 көлік/ Жарлы елді мекеніне жеткізілді. Жолаушылардың барлығы аман-есен. Сондай-ақ, Хромтау ауданының Абай, Никельтау ауылдарында да 8 автокөлік тұрып қалған. 7 жолаушы құтқарылды.

Жақсыбек Кемал