Мұнай баррелінің бағасы 115 доллардан асты

Брент маркалы мұнай бағасы 28 наурыздан бері алғаш рет барреліне 115 доллардан асты. Бұл ақпарат Лондон биржасының сауда-саттық деректері бойынша расталды. Нұр-Сұлтан уақытымен сағат бір жарымдағы жағдай бойынша баға барреліне 115,1 доллар болып, 0,84 пайызға өскен.

Ал WTI шілдедегі фьючерстері 0,61 пайызға өсіп, 112,5 долларға жетті.

Еске сала кетейік, Қытайдағы энергоресурстарға сұраныстың төмендеуі қаупінен, сәуір айында әлемде мұнай бағасы түсіп кеткен болатын.

Cаламат Омаш