Президент Алматы қаласының әкімін қабылдады

Президент бүгін Алматы қаласының әкімін қабылдады. Ерболат Досаев Мемлекет басшысына шаһардың биылғы қаңтар-сәуір айларындағы экономикалық жағдайы туралы есеп берді. Әкімнің сөзінше қаңтар оқиғасынан кейінгі қала экономикасының өсу қарқыны, екінші жарты жылдықтың басында толық қалпына келеді. Биыл қиындықтарға қарамастан негізгі капиталға салынған инвестицияның өсімі 21 пайыздан асқан. Мемлекет басшысына әлеуметтік маңызы бар азық-түлік тауарларының бағасын тұрақтандыру туралы да айтылды. Кездесуде Қасым-Жомарт Тоқаев мегаполистегі экономикалық және әлеуметтік жағдайды одан әрі жақсарту үшін бірқатар тапсырма берді.

Сәбит Әлдебай