Жұқпалы ауру: Елордада субұрқақтан энтеровирус анықталды

Нұр-Сұлтанда субұрқақтан энтеровирус анықталды. Бұны елорданың бас санитар дәрігері Сархат Бейсенова мәлімдеді. Шомылу маусымы басталғандықтан бұл сырқатқа шалдыққандар саны 2,6 есе өскен. 98 пайызы 14 жасқа дейінгі балалар. Қазір 63 бала ем алып жатыр. Санитар мамандар қаланың әр ауданындағы фонтандардан сынама алған. Зертханалық талдауға сәйкес он шақты субұрқақтың нәтижесі нормаға сай болмай шықты. Мамандар балалар мен ата-аналарды барынша сақ болуға шақырады. 

Шерхан Жамбылұлы