Балабақшадағы бассыздық: Елордада бүлдіршіндерді қорлаудың 17 дерегі тіркелді

Әжетханаға қамап тастаған, бүлдіршінді ұрып-соққан. Жыл басынан бері елордадағы жекеменшік балабақшаларда балаларды қорлау мен олардың қауіпсіздігін қамтамасыз етпеудің 17 дерегі тіркелді. Бұндай ақпаратты оқу-ағарту министрлігі жариялады. Бұдан бөлек балақайлардың денсаулығына зиян келтіргені үшін 9 әкімшілік іс қозғалған. Бұл мекемелердің тізімінде «Сати», «Majorik», «Еркетай», «Lily», «BOTAQAN-2020» балабақшалары бар. Министрлік қауіпсіздікті қамтамасыз ету үшін лицензиялау тәртібін қайтару қажет дейді.   

Шерхан Жамбылұлы