Павлодарда «Ұлы дала сазы» атты көрме ашылды

Павлодардағы облыстық көркемсурет музейінде «Ұлы дала сазы» атты көрме ашылды. Авторы жергілікті қылқалам шебері Өсербай Шоранов. Танымал суретшінің бұл жолы ең үздік деген 80-нен аса туындысы қойылған. Олардың дені тарихқа тағзым, бабалар аманаты, ерлік, отаншылдық және табиғатты аялау тақырыбына арналған. Сондай-ақ майлы бояулар арқылы кенепке түскен кескіндемелерден өңірдегі өзінше сұлу, табиғаты әсем жерлерді тамашалауға болады.

Өмірбек Жұбаниязов, Қазақстан суретшілер одағының төрағасы:

Бүкіл Қазақстанның бар дүниесін, мақтанышымыз табиғатымыз, тауымыз, жазығымыз, кең даламыз бәрі көрсетіліп отыр. Осының бәрі адамдық жақсылыққа итереді. Отансүйгіштікке апарады. Соған итереді, соған жол сілтейді.

Болат Аманбаев