Арқалық қаласындағы жылу орталығында апат болды

Арқалық қаласындағы жылу орталығында апат болды. Куәгерлердің айтуынша, жылу қазандықтарының бірінен дүмпу естіліп, соның салдарынан қазандықтың қаптамасы қираған. Екінші су жылытқыш және үш бу қазандығы аман. Адамдар зардап шекпеген. Қала басшылары болған жағдай жылу беруге еш әсер етпейді деп отыр. Естеріңізге сала кетейік, Арқалықта көмірмен жанатын жаңа жылу орталығы өткен жылы пайдалануға берілген. 

Дәуренбек Әбдібек