Шымкент қаласы әкімдігінің лауазымды басшысы пара алды деген күдікке ілінді

Шымкент қаласы әкімдігінің лауазымды басшысы пара алды деген күдікке ілінді. Жолаушылар көлігі және автомобиль жолдары басқармасының басшысына қатысты қазір сотқа дейінгі тергеу жүргізуде. Оған мегаполистің әлеуметтік маңызы бар бағыттары бойынша жолаушылар тасымалын субсидиялау кезінде бюджет қаражатын кедергісіз төлегені үшін кәсіпкерден 13 миллион теңге көлемінде пара алды деген айып тағылған. Сот санкциясымен күдікті 2 ай мерзімге қамауға алынды.

Қазіргі таңда Шымкент қаласында тұрғындарға 77 бағыт бойынша 900-ге жуық автобус қызмет көрсетеді. Жеке меншік нысанындағы 10 компания жолаушылар тасымалдау қызметімен айналысады.

Ғани Қалмаханов