Бала туғанда төленетін жәрдемақы үш күн ішінде беріледі

Бала туғанда төленетін жәрдемақы үш күн ішінде ешбір құжатты толтырмастан, автоматты түрде тағайындалады. Астанадағы екі емханада пилоттық жоба іске асып жатыр. Соның аясында бала дүниеге келе салысымен бір сағатта жеке сәйкестендіру нөмірі беріледі. Өйткені кей ата-ана балаға есім қоюға асықпайды екен. Ал аты-жөні анықталмағандықтан, ЖСН де, куәлік те кешігеді. Салдарынан төленетін жәрдемақы ұзап кететін.

Бұлбұл Сұраншиева, цифрлық үкіметті қолдау орталығының баспасөз хатшысы:

ЖСН алғаннан кейін ғана шешесіне тиісті жәрдемақы тағайындалады. Егер босанған әйел 30 күн бойы ЖСН алмаса, жәрдемақы ала алмайды. Сондықтан бала туа салысымен ЖСН берілсе, бірнеше процесті іске қосады.

Азамат Нұғыманов