Ақтауда егеуқұйрық көбейді

Ақтауда егеуқұйрық көбейді. Кеміргіштер теңіз жағалауында және тұрғын үйлердің кіреберістерінде жүр.

Тұрғындардың шағымынан кейін құзырлы мемлекеттік органдар шұғыл шара қабылдаған. Бүгіннен бастап қалада егеуқұйрықтардың көзін жою, яғни дератизация жұмыстары басталды. Мамандар «Самал» шағын ауданынан бастап Ақтау теңіз портына дейінгі теңіз жағалауын дәрілеп жатыр. Залалсыздандыру жұмыстары шағын аудандарда және Өмірзақ пен Приморский ауылдарында да жүргізіледі. 1 айда шамамен 20 шақырымдай аумақты игеру жоспарланған.

Бақтияр Мақсатов , Ақтау қалалық ТҮКШ бөлімінің сектор меңгерушісі:

Егеуқұйрықтың қаптауына бейберекет жатқан қоқыстар, тұрғындардың заңсыз жерлерге қоқыс тастауы себеп болып отыр. Осы уақытқа дейін егеуқұйрықтардың бары анықталған жоқ. Биыл анықталып тұр.

Аягөз Оралбайқызы