Басты Жаңалықтар Дезинфекция жасайтындар жаппай лицензия алуы тиіс

Дезинфекция жасайтындар жаппай лицензия алуы тиіс

31.10.2023 20:14

Қандаланың уынан балалар қапыда көз жұмуда. Мұндай қасіретке жол бермеу үшін тұрғындар арнайы мекемелерге жүгінуі керек. Ал дезинфекция жасайтындардың қызметі заңдастырылып, жаппай лицензия алуы тиіс. Қандаланың уынан зердап шегу деректеріне қатысты қылмыстық іс қазір қатаң бақылауда. Мұндайда кінәлі адамды 10 жылға дейін бас бостандығынан айыру жазасы қарастырылған. Айта кетейін, осыдан 10 күн бұрын Ақтауда қандаланың уынан 7 адам зардап шегіп, 2 сәби қаза тапты. 5 күннен кейін басқа мекен-жайда тап осындай оқиға қайталанып, 5 адам уланды. Оның 3- еуі бала. Абырой болғанда бәрі де аман қалды. Осыдан кейін прокуратура құзырлы органдармен бірге тұрғындардың арасында түсіндіру жұмыстарын бастады.

Ерғожа Төретаев, Маңғыстау облыстық прокуратурасы басқарма бастығының орынбасары:

Өкінішке орай, бұндай жағдайлар бізде жыл сайын былтыр да яғни, биыл да орын алып отыр. Оның ішінде жанға бататыны, үлкендердің бұл әрекетінен кішкентай балаларымыз зардап шегіп отыр. Бүгінгі таңда қылмыстық істер бойынша сот-химикалық-токсикологиялық сараптамасы тағайындалуда.

Аягөз Оралбайқызы

Автор

Аягөз Оралбайқызы

Бөлісу