Мемлекет басшысы семейлік тұрғындардың бастамасын қолдады

Мемлекет басшысы Семей қаласы төңірегіндегі өртенген қарағайлы орманды қалпына келтіру жөніндегі жергілікті тұрғындардың бастамасын қолдады. Бұл туралы Президенттің Баспасөз хатшысы Берік Уәли өзінің Facebook парақшасында мәлімдеді.

Естеріңізге салайық, Семейде күні кеше ағаш отырғызу бойынша ауқымды акция өтті. Мыңнан аса тұрғын қатысқан шарада 23 мың қарағай көшеті егілді. «Таза Қазақстан» экологиялық акциясы басталғалы қала маңына 50 мыңнан астам көшет отырғызылған. Науқанның басты мақсаты – қарағайлы орманды жедел қалпына келтіру.

Тәуірбек Бозекен