Мемлекет басшысы ҚХА Төрағасының орынбасарларын қабылдады

Мемлекет басшысы Қасым-Жомарт Тоқаев Қазақстан халқы Ассамблеясы Төрағасының орынбасарлары Юрий Шин мен Лугмар Буларовты қабылдады. Оларды жаңа лауазымдарымен құттықтап, бірлікті нығайту, қоғамдық келісімді сақтау ісіндегі жауапты қызметтеріне сәттілік тіледі. Ассамблея төрағасының орынбасары – Хатшылық меңгерушісі Марат Әзілханов, бұған дейін берілген тапсырмалардың орындалуы және Ассамблеяның 33-ші сессиясына дайындық барысы жөнінде есеп берді. Президент Ассамблея жұмысын одан әрі жетілдіруге тапсырма берді. Табиғи апаттан зардап шеккен азаматтарға көмек көрсетуге Қазақстан халқы Ассамблеясы зор үлес қосқанын айтты.

Шерхан Жамбылұлы