«Наурыз» бағдарламасы бойынша 9000 өтініш қабылданды

«Наурыз» бағдарламасы бойынша 9 мыңға жуық азаматтың өтініші қабылданды. 25 сәуірден бастап 17 мыңнан астам адам жаңа бағдарламаға құжат тапсырған. Оның 4 мыңға жуығы тұрғын үй кезегінде тұрған әлеуметтік осал топ өкілдері. Несиенің пайыздық мөлшерлемесі аз қамтылған отбасылар үшін 7, өзгелер үшін 9 пайыз. Бастапқы жарна үй құнының 20 процентінен кем болмауы тиіс. Қарыз 19 жылға беріледі. Ипотекаға құжат тапсыру маусымның соңына дейін жалғасады.

Ләззат Ибрагимова, «Отбасы банк» АҚ басқарма төрағасы:

Жоба аясында түскен өтініштердің 57%-ы әйелдерге тиесілі, ал барлық өтініштің 62%-ы 35 жасқа дейінгі жастар саналады. Өтініш берген ең жас азамат – Түркістан облысының тұрғыны. Ол – 18 жаста. 

Ал тасқыннан зардап шеккен отбасыларды баспанамен қамту үшін жаңадан ипотекалық бағдарлама құрылуы мүмкін. Бұл шара өңір әкімдіктерімен бірлесіп іске асырылады. Бүгінде Батыс Қазақстан облысынан көп өтініш түскен. Жаңа ипотека 2-5 пайызбен берілуі мүмкін.

Айя Мүтәлі