Алматылық жастар «Таза Қазақстан» акциясына белсенді қатысып жатыр

Алматылық жастар «Таза Қазақстан» республикалық акциясына белсене қатысып жатыр.

Экологиялық мәселелерді шығармашылық арқылы жеткізуді көздеген ұл-қыздар «Жасыл қала өнері» атты шара ұйымдастырды. Қатысушылар болашаққа деген көзқарастарын көркем суретпен бейнеледі. Сондай-ақ, «Бейбітшілікті сақтайық» тақырыбында дөңгелек үстел өтіп, экологтар қоршаған орта сапасын жақсартуда өз тәжірибелерімен бөлісті. Ерекше экологиялық шара аясында жастар пластик, алюминий және шыны жинайтын арнайы үш эко-боксқа 50 келіден астам қоқыс жинады.

Нұрай Мырзалиева, ұйымдастырушы:

Бұл біздің бірінші экологиялық жобамыз емес, осыдан бұрын біз батарейкалар туралы жоба ұйымдастырғанбыз, кез келген адам біздің коммюнитиға келіп өзінің батарейкаларын тапсыра алды жұмыс істемейтін, себебі 1 батарейка кем дегенде 5 гектар жерді құртады, сол себепті біз оларды жинап қайта өңдеуге жіберді

Айдана Қуантхан