Венесуэлада саяси тұтқындарды босатуды талап еткен шеру жалғасуда

Венесуэлада саяси тұтқындарды бостандыққа шығаруды талап еткен акция өтті. Шараны адам құқығын қорғайтын белсенділер мен оппозиция топтары ұйымдастырған. Олар шырақшамдардың көмегімен «Бейбітшілік» және «Бостандық» деп жазды. Елде президенттік сайлаудың нәтижесіне көңілі толмаған тұрғындар шілденің соңында жаппай шеруге шықты. Олар Николас Мадуроның президент болып қайта сайлануына наразы. Әрі дауыс беру нәтижесі бұрмаланған деп есептейді. Бірнеше күнге созылған шеруде демонстранттар полициямен және әскерилермен қақтығысқан. 2 мыңдай адам қамауға алынды. Қаза тапқандар мен жараланғандар бар. 

Арай Төлегенқызы