Суданда тырысқақ ауруынан жүздеген адам қайтыс болды

Гуманитарлық дағдарыс ушыққан Суданда тырысқақ өршіп барады. Бактериялық ауру 300-ден астам адамның өмірін қиған. Бұл - Дүниежүзілік денсаулық сақтау ұйымының мәліметі. Оған сай, инфекцияға шалдыққан адам саны 11 мыңнан асты. Бұған қоса елде денге безгегі, менингит белең алған. Ұзаққа созылған ашаршылық та халықты әбден қажытты. БҰҰ-ның Дүниежүзілік азық-түлік бағдарламасының мәліметіне сай, 25 миллионнан астам судандыққа аштық қаупі төніп тұр.

Арай Төлегенқызы