Қазақстанның Халық әртісі Жәния Әубәкірова Бельгияда жеке концертін өткізді

АҚШ-тың «Карнеги-холл», Австрияның «Концертхаус» сынды үлкен залдарында талай өнер көрсеткен Жәния Әубәкірованың бұл Брюссельдегі алғашқы концерті. Әлемдік сахнаны бағындырған виртуозды музыкантты көруге бельгиялықтар ассықаны сонша, залда ине шаншар жер болмады. Талғамы биік еуропалықтар үшін Жәния Әубәкірова да әлемдік классика алыптары Бах пен Шопеннің ең қиын туындыларын құйқылжыта орындады. Сөйтіп, көрерменнің ыстық ықыласына бөленді.  

Концерттен соң бельгиялықтар мен осы елдегі қандастарымыз Жәния Әубәкіровамен сахна сыртында еркін әңгімелесіп, шығармашылығына сәттілік тіледі.

Нұрсұлу ҚАСЫМ