IX қысқы Азия ойындарының басталуына 100 күн қалды

9-шы қысқы Азия ойындарының басталуына 100 күн қалды. Дүбірлі дода 2025-шы жылы Қытайдағы Харбин қаласында өтеді. Оған 34 ел мен аймақтан 1500-ге жуық спортшы өтініш беріп үлгерген. Бұл тарихта ең көп ел қатысатын қысқы Азия ойындарының бірі болмақ.

Спортшылар 12 спорт түрінен бақ сынап, 64 медаль жиынтығына таласады. Қазақстан да бұл жарысқа қатысады. Бірақ әзірге спортшылардың саны, қандай спорт түрлерінен бақ сынайтыны белгісіз.

Харбин қаласы бұған дейін қысқы Азия ойындарын 1996 жылы өткізген. Қазақстан құрамасы сол жылы 14 алтын, 9 күміс, 8 қола жүлде алған болатын.

Темірлан Нұрсолтан