Ресей президенті Қазақстанға мемлекеттік сапармен келеді

Осы сәрсенбі яғни, 27 қараша күні Қасым-Жомарт Тоқаевтың шақыруымен Қазақстанға Ресей Федерациясының Президенті Владимир Путин мемлекеттік сапармен келеді. Ақорданың хабарлауынша, сапар аясында жоғары деңгейдегі келіссөздер жүргізілмек.

Ал ертеңіне Мемлекет басшысының төрағалығымен Ұжымдық қауіпсіздік кеңесінің кезекті сессиясы өтеді. Жиында аймақтық және халықаралық қауіпсіздіктің негізгі мәселелері талқыланып, бірқатар құжатқа қол қойылмақ. Шараға әзірлік аясында 27-28 қараша күндері елорда көшелерінің жекелеген бөлігінде көлік құралдарының жүруі уақытша шектеледі.

Темірлан Нұрсолтанов