Президент Шанхай ынтымақтастық ұйымының бас хатшысын қабылдады

Мемлекет басшысы Қасым-Жомарт Тоқаев, Шанхай ынтымақтастық ұйымының Бас хатшысы Нұрлан Ермекбаевты қабылдады. Президентке ұйымның қазіргі қызметі мен басым бағыттары жөнінде ақпарат берілді. Қасым-Жомарт Тоқаев Ұйымның ерекшелігіне тоқталып, оның саяси, экономикалық және мәдени салалардағы өзара ықпалдастықты арттыруда әлеуеті зор екенін атап өтті. Президенттің айтуынша, аймақтық және жаһандық қауіпсіздікті қамтамасыз ету мәселесіне баса назар аударылады. Шанхай ынтымақтастық ұйымына мүше мемлекеттер басшылары кеңесінің шешімімен Нұрлан Ермекбаев 2025 жылдың 1 қаңтарынан бастап аталған ұйымның Бас хатшысы қызметіне кіріскен болатын.

Азамат Бейбітұлы