7 штатта төтенше жағдай жарияланды

АҚШ-та бораннан 5 адам қаза тапты. Сонымен қатар, мектептер мен мемлекеттік мекемелер жабылып, жолдарды бей-берекетсіздік жайлады. Ал энергия жүйесі істен шығып, 190 мыңдай адам жарықсыз қалған. Қар көшкініне байланысты Мэриленд, Вирджиния, Батыс Вирджиния, Канзас, Миссури, Кентукки, Арканзас тәрізді жеті штатта төтенше жағдай жарияланып отыр. 2300-дей әуе рейсі доғарылып, 9 мың авиациялық сапар кейінге қалдырылған. Ел астанасы Вашингтон да, ақ мамыққа оранды. Мұнда тұрғындар көшеге шығып, бір-біріне жаппай қар атқан.

Джозеф Тот, Вашингтон тұрғыны:

Маған қар да, қыс та ұнайды. Өзім орталық-батыс өңірденмін. Сондықтан үйге оралғандай күй кешіп жүрмін. Көпшіліктің ортасында көңіл көтерген де жақсы ғой.

Арыстан Рысбек