Ливанда 2 жылдан астам бос тұрған президент лауазымына мемлекет басшысы сайланды

Ливанда екі жылдан астам бос тұрған президент лауазымына ақыры мемлекет басшысы сайланды. Бұл постқа армия қолбасшысы Джозеф Аун таңдалған. Ол бейсенбі күні ант беріп қызметіне кірісті. Ливан депутаттары президентті сайлауға осыған дейін 12 рет дауыс беріп, олардың бәрі сәтсіз аяқталған.

13-сессияда Аун 128 дауыстың 99-ын жинап жеңіске жетті. 60 жастағы Аунның кандидатурасын АҚШ, Сауд Арабиясы, Израиль де құптап отыр. Кейбір сарапшылардың ойынша, талай жылдан бері экономикалық дағдарыс пен жақында ғана Израильмен арада соғысты бастан кешкен Ливанға қазір президент өте қажет.

Арыстан Рысбек