Лос-Анджелестегі өрттің кесірінен 90 мыңнан астам адамға көшуге бұйрық берілді

АҚШ-тың Лос Анджелестегі орман өртінен қауіп тағы күшейді. 90 мыңнан астам адамға көшуге бұйрық берілді. Өйткені жылдамдығы сағатына 75 метрге жетуі мүмкін «Санта-Ана» сұрапыл желі соғады деген болжам бар.

Бұған дейін Лос-Анджелесте лапылдаған жалыннан 24 адам қаза тауып, 12 мыңдай үй мен өзге құрылымдар күлге айналды. Қазір 8 жарым мыңдай өрт сөндіруші тілсіз жаумен жерде де, әуеде де күресіп жатыр.

Президент Джо Байден зардап шеккендерге көмек берілетінін, ал ірі банктер үйлерінен айрылғандар үшін ипотекалық несие шарттарын жеңілдететінін хабарлады.

Арыстан Рысбек