Қытаймен шекарадағы қоймадан 200 млн теңгенің тауары ұрланған

Қытайдан тасымалданатын тауарды шекарадағы қойма қызметкерлері тонап келген. «Алматы-1» станциясындағы полицияның желілік басқармасы сотқа дейінгі тергеп-тексеру ісін аяқтады. Күдіктілер Қытайдан қандай тауар әкелінетінін алдын ала біліп отырған. Кейін олар үптелген заттарды жергілікті базарға апарып сатып, пайда тапқан. Шетелдік және қазақстандық компанияларға жалпы құны 200 млн теңге көлемінде шығын келтірілген. Іс сотқа жолданды. 

Азамат Бейбітұлы