Тіркелмеген мопедтерді мінуге тыйым салынатын болды

Биыл 5 сәуірден бастап, мопедтер ресми түрде механикалық көліктерге теңестіріледі. Енді бұрынғыдай велосипед сияқты екінің бірі бұл транспорт құралын қолдана алмайды. Оларды пайдалану үшін әуелі полицияда тіркеліп, А1, А немесе В санатындағы жүргізуші куәлігін көрсетіп, техникалық тексеруден және азаматтық жауапкершілікті сақтандырудан өту қажет.

Тіркелу үшін тұрғылықты жері бойынша арнайы халыққа қызмет көрсету орталығына жеке куәлікті ала барасыз, мопедтің техникалық құжаты немесе сипаттамаларын айқындау қажет. Кейін өтінішті толтырып, мопедті тексерістен өткізіп, қажетті мемлекеттік баждарды төлеу керек.

Айта кетейік, 5 сәуірден бастап тіркелмеген мопедтерді пайдалануға, жүргізуші куәлігінсіз жүруге тыйым салынады.

Азамат Бейбітұлы