Оңтүстік Корея президенті ауруханаға түсті

Оңтүстік Кореяның импичент жарияланған президенті емделу үшін әскери госпитальге жіберілді. Мұны «Йонхап» агенттігі хабарлап отыр. Оның дерегінше, ауруханадан шыққан соң Юн Сок Ёл қайтадан қамау орталығына жеткізіледі. Бұған дейін Юн Конституциялық соттың тыңдалымына қатысып, желтоқсанның басында елде әскери жағдай жариялап, армия қолбасшыларына депутаттарды парламенттен күшпен шығаруға бұйрық берді деген айыпты жоққа шығарды.

Юн Сок Ёль, Оңтүстік Корея президенті:

Әскери жағдай туралы №1 Жарлық өзінің баптарымен Ұлттық Ассамблеяның кез келген заңсыз әрекеттеріне тыйым салуды көздеді. Бірақ ол ереже ешбір жағдайда осы жиналысты таратуға бұйрық беруді немесе оның заң шығару қызметін немесе парламенттің жұмысын тоқтатуды көздеген жоқ.

Арыстан Рысбек