Қытайлық чат-бот америкалық бәсекелесінен басым түсті

Қытайдың DeepSeek компаниясы тегін чат-бот шығарды. Ол ойлау қабілеті жағынан америкалық ChatGPT-ді басып озған. Арзан чипті қолданатын бұл платформа АҚШ-та, Қытайда, Ұлыбританияда ең көп жүктелген ақысыз қосымшаға айналып отыр. Осыған байланысты жасанды интеллект саласында АҚШ – жетекші ел деген түсінікке күмән туындады.

Тағы бір айта кететін жайт, DeepSeek пайда болысымен биржаларда Nvidia, SoftBank, Alphabet, Microsoft сияқты алып технологиялық компаниялардың акциялары 2 пайыздан 17 пайызға дейін құлдырап, 600 миллиард доллар желге ұшты. Себебі инвесторлардың чиптар мен мәлімет өңдейтін орталықтарға сұраныс артады деген сенімі аяқ астынан сетінеп отыр.

Арыстан Рысбек