Вашингтонда өзенге құлаған ұшақ бортындағы 64 адам іздестіріліп жатыр

АҚШ астанасы Вашингтондағы Потомак өзеніне жолаушылар ұшағы құлады. Ол қонарда әскери тікұшақпен соқтығысқан. «Reuters» агенттігі «American Airlines» компаниясына сілтеме жасап хабарлағандай, бортта 64 адам болған. Олардың төртеуі - экипаж мүшесі. Оларға не болғаны әзірге белгісіз. Оқиға орнында іздеу-құтқару операциялары жалғасып жатыр.

Айта кетсек, Потомак өзенінің ені жүздеген метр, тереңдігі бірнеше метр. Федералдық азаматтық авиация басқармасының мәлімдеуінше, «Bombardier» ұшағы Канзас штатынан Вашингтонға бара жатқанда апатқа ұшыраған.

Арыстан Рысбек