Қарттар күніне орай елордадағы  «Жастар» сарайында мерекелік концерт ұйымдастырылды

Өнерлі өрендер әннен әуелетіп, күмбір күйден шашу шашты. Мың бұрала билеген бұрымдылар үлкендеріміздің көңілін бір серпілтіп тастады. Ең қызығы, концертке тек жас буын өкілдері ғана емес, қарттарымыздың өзі де белсене ат салысты.

Әжелер мен аталардан құралған ансамбль халық әуендерін шырқаса,  енді бір шоғыры  тәрбиесі терең,  тағылымы мол қойылымды  сахналады.

Раушан САЙЛАУҚЫЗЫ