«Юнус Эмре» түрік-мәдени орталығы «Айлық-түрік фильмдері» деп аталатын шараны қолға алды

Биыл Қазақстан мен Түркия арасындағы дипломатиялық байланыстың орнағанына - 25 жыл. Осыған орай, «Юнус Эмре» түрік-мәдени орталығы «Айлық-түрік фильмдері» деп аталатын шараны қолға алды. Яғни, елордадағы кинотеатрлардың бірінде ай сайын  түрік фильмі тегін көрсетіледі.

Бұл жолғы  кино «Махаббат саған ұқсайды» деп аталады. Түркияның белді әртістері сомдаған фильм екі жастың шынайы сезімін үлгі етеді. Тарихи, мелодрамалық жанрды қамтыған мұндай кино тартуы жыл соңына дейін жалғаспақ. 

Раушан САЙЛАУҚЫЗЫ