Көне ағашқа алғашқы ақпараттық тақтайша ілінді

Қоршаған ортаны қорғау күніне орай жер-жерде экологиялық шаралар басталды. Қазір Алматы мен Қызылордадағы әріптестерім бізбен тікелей байланыста. Ол қандай тың жоба? Бастаманың ерекшелігі неде?

 Жазира Оразқызы, тілші:

Мен дәл қазір Алматыдағы ең көне ағаштардың бірінің қасында тұрмын. Бұл жерге алғашқы ақпараттық тақтайща ілініп жатыр. Тақтайшаның өзі жәй емес, өңделген пластиктен жасалған. Бұл – Еуропа елдерінде кеңінен қолданылатын озық тәжірибе дейді мамандар. Осылайша тамыры тереңге жайылған ескі ағаштар экскурсия нысанына айналып, түрі аңызға арқау болады дейді ұйывмдастырушылар. Сондай-ақ шарада пластиктен жасалған ерекше шахмат фигуралары көпшілікке ұсынылды. Бұған қоса, ұялы телефонға арналған Қазақстан туының түсіндегі тіреулер де таныстырылды. Бұл – Мемлекеттік рәміздер күнімен тұспа-тұс келген әсерлі сәт екені анық. Табиғатты аялауға үндейтін бұл игі қадамдар – қайта өңделген қалдықты кәдеге жаратып, жас ұрпаққа үлгі боларлық өнегелі іс болмақ.

Жазира Оразқызы