Биыл 15 мың адамға рақымшылық жасалады

Биыл 15 мың адамға рақымшылық жасалады. Оның ішінде 4100 адам түзеу мекемесінен, яғни түрмеден бостандыққа шығады. Сонымен қатар ауыр және аса ауыр қылмыстар үшін өтелмеген жаза мерзімі қысқартылады. Бүгін Мәжіліс депутаттары Конституциясының 30 жылдығына байланысты рақымшылық жасау туралы заңды қабылдады. Жалпы, бұған дейін елімізде сотталғандарға 9 рет рақымшылық жасалған. Оған қоғамға қауіпті емес, аса ауыр емес қылмыс жасағандар ілінеді. Оның ішіне кәмелетке толмаған баласы бар аналар мен жүкті әйелдер де кіреді. Бірақ сыбайлас жемқорлықпен сотталғандарға рақымшылық жасалмайды.

Қарақат Әбден, Мәжіліс депутаты:

Біздің өзіміздің санауымыз бойынша бүгінде 2 мыңға жуық әйел босатылатын болды. Оған қоса пробацияда жүрген әйелдердің жазасы жеңілдейді. Нақты категориялары бар. Біріншіден, жүкті әйелдер, жастары ұлғайған әйелдер, мүгедектігі бар әйелдер. Ең бастысы - үйінде кәмелетке толмаған балалары бар әйелдер.

Самал Қабышева