Астанада зейнетақыға қатысты алаяқтық жасаған әйел сотталды

Астанада зейнетақыға қатысты алаяқтық жасап, заңсыз табыс табу схемасын құрған әйел сотталды. Прокуратураның мәліметінше, былтыр елорда тұрғыны WhatsApp желісі арқылы жалған хабарлама таратып, зейнетақы жинақтарының жеткілікті шегіне жетпеген азаматтарға қордан қаражат алуға көмектесемін деп уәде берген. Алаяқ зейнет жасындағы адамдардан 50 мыңнан 500 мың теңгеге дейін ақша алып, барлығы 17 қылмыс жасап, 3 миллион теңгеден астам қаражатты иемденген. Сотта айыпталушы кінәсін толық мойындап, келтірілген залалды өтеген.

Серік Жұмабек