Ертең елімізде мал санағы басталады

Ертең елімізде ауыл шаруашылығы санағы басталады. Ұлттық статистика бюросының мәліметінше, 21 мың ауыл шаруашылығы кәсіпорны және 279 мың фермерлік қожалықтар мен жеке кәсіпкерлердің төрт-түлігі түгенделеді. Бұл еліміздегі аграрлық саланың жай-күйін анықтап, мемлекеттен берілетін қаржылық көмекті дұрыс ұйымдастыру үшін қажет шара. Санақ екі кезеңге бөлінеді: 31 тамызға дейін онлайн тіркеу болса, қыркүйектен бастап 3500-ге жуық интервьюр үй-үйді аралап, қорадағы малды түгендейді. Бұл жұмысқа мемлекеттен 3,7 млрд теңге қарастырылып отыр. Қаражат санақты ұйымдастырған және жүргізген жұмысшылардың жалақысына жұмсалмақ.

Нұржан Сәрсенбаев, ҚР Ұлттық статистика бюросының департамент директорының орынбасары:

Бұл жерде азаматтардың белсенділігіне назар аударып отырмыз. Ол кісілер өздерінің азаматтық позициясын көрсетіп, осы санаққа менің ғана жағдайым деп ойламай бүкіл елдің жағдайына әсер ете алады. Бір адамнан осылай санақтан өткен кезде толық аграрлық саланың жағдайын анықтауға мүмкіндік болады.

Нұрсұлтан Тілектес