Қызылорда облысында қаржы жымқырған есепші сотталды

Қызылордада медициналық кереуеттердің сатып алу бағасын үш есе көтеріп, мемлекетке 157 млн теңге залал келтірген есепшіге сот үкім шығарды.

Ол облыстық жұқпалы аурулар ауруханасында бас есепші қызметін атқарған. Азаматтық некедегі жұбайымен және оның інісімен алдын ала сөз байласып, аса ірі мөлшерде қаржыны қалтаға басқан. Қызылорда қаласының №2 соты оны 6 жыл мерзімге бас бостандығынан айырды. Алайда, сотталушы Конституцияның отыз жылдығына байланысты рақымшылыққа ілініп, жазасын шартты түрде өтейтін болды. Мемлекетке келтірілген шығын түгел өтелді.

Қозы Көрпеш Жасаралұлы