Қызылордада 1,5 келіге жуық мефедрон тәркіленді

Қызылордалық полицейлер халықаралық тасжолда ірі есірткі тасымалының жолын кесті. Иісшіл иттің көмегімен күдікті мінген көлікті тексеру кезінде чемоданнан 6 дана полиэтилен пакетке оралған, жалпы салмағы 1,5 келіге жуықтайтын «мефедрон» табылған.

Қазір осы дерек бойынша қылмыстық іс қозғалып, тергеу амалдары жүргізіліп жатыр. Жалпы, «Қарасора» жедел-профилактикалық іс-шарасы кезінде аймақта есірткі қылмысына қатысты 70 дерек тіркелген. 32 адам ұсталып, оның 13-і қамауға алынған. Заңсыз айналымнан 900 келідей есірткі заты тәркіленді. Соның 2 келі 301 граммы – синтетикалық заттар.

Қозы Көрпеш Жасаралұлы