Президент Қазақстан инвесторлар қауымдастығының төрағасын қабылдады

Отандық бизнестің ұлттық рейтингі іске қосылуы мүмкін. Мемлекет басшысының қабылдауында болған Қазақстан инвесторлар қауымдастығының төрағасы Болат Ақшолақов осындай ұсыныс жасады. Қасым-Жомарт Тоқаев бұл бастамаларды қолдап, инвестициялық климатты жақсарту маңызды екенін атап өтті. Кездесуде экономиканы ырықтандыруға, мемлекеттің бизнеске араласуын азайтуға, мемлекеттік басқару жүйесіне цифрлық шешімдер мен жасанды интеллект технологияларын енгізуге баса мән берілді. Салық жүйесін жаңғырту, монополияға қарсы саясатты жетілдіру, жекешелендірудің тиімділігін арттыру және мемлекеттік сатып алуды реформалау мәселелері де қозғалды.

Оңғар Алпысбайұлы