«Наурыз» ипотекалық бағдарламасы қайта іске қосылды

Шілде айында тоқтап қалған «Наурыз» ипотекалық бағдарламасы қайта іске қосылды. Бұған дейін жоғары сұранысқа байланысты лимит таусылып, кейбір іріктеуден өткен азаматтар да пәтер рәсімдей алмай қалған еді. Банк Қазақстан қор биржасынан 102 млрд теңге тартып, несие беруді қайта бастады. Бағдарлама шарттары өзгеріссіз: бастапқы жарна – кемінде 20%. Қарыздың ең жоғары сомасы – Астана мен Алматыда 36 млн теңге, басқа өңірлерде 30 млн теңгеге дейін. Жылдық тиімді сыйақы мөлшерлемесі – 9,6 мен 13% аралығында. Несие мерзімі – 19 жылға дейін. 

Оңғар Алпысбайұлы