Астанада «Біз бірдейміз» инклюзивті сән көрсетілімі өтті

«Біз бірдейміз!». Дәл осындай ұранмен Астанада Unique fashion show инклюзивті сән көрсетілімі өтті. Конституция күніне орай ұйымдастырылған шараға еліміздің әр аймағынан ерекше қажеттілігі бар 100-ге жуық жас модель қатысты. Мақсат - еліміздегі әрбір баланың мүмкіндіктеріне, әлеуметтік мәртебесіне қарамастан, тең құқылы екенін еске салу. Шараға бірнеше дизайнер қосылып, топтамаларын ұсынған. Кейбірі балаларға подиумда киген киімдерін естелік ретінде сыйға тартқан. Жобаның авторы Гүлнұр Бөкеннің айтуынша, подиумға шығатын балаларды таңдап алу оңай болмаған.

Гүлнұр Бөкен, жобаның авторы, дизайнер:

Қазақстан бойынша таргет арқылы үлкен кастинг жасадық. Ең мықты, ең керемет балаларды таңдадақ. Мыңдаған бала өтінім берді және де оның ішінен 100 баланы іріктеп алдық. 2 жастан 16 жасқа дейінгі балалар қатысады. Біз бұл балаларға сенім береміз және де басындағы шекаралардың бәрін жоямыз.

Асылбек Данияр