Таяу Шығыста қаза тапқандар арасында 5 журналист бар

Газа секторының оңтүстігіндегі Хан-Юнис қаласындағы ауруханаға Израиль жасаған шабуылдан 20 адам қаза тапты. Марқұмдардың 5-еуі - журналист. Медицина қызметкерлері де оққа ұшқан. Олар бірінен кейін бірі жасалған екі соққыдан опат болған. Қаза тапқан журналистер Associated Press, Reuters, Al Jazeera және Middle East Eye-ны қоса алғанда бірқатар халықаралық БАҚ-на жұмыс істеп, Газа секторынан хабар таратқан. Қайғылы оқиғаны БҰҰ, әлем елдерінің лидерлері, бұқаралық ақпарат құралдары еркіндігі бойынша топтар сынға алды. Олар Израильді атысты тоқтатуға, бейбіт тұрғындар мен журналистерді қорғауға үндеді. Екі апта бұрын Газа секторындағы "әш-Шифа" ауруханасына жасалған израильдік шабуылдан да 5 журналист қаза тапқан еді.

Арай Төлегенқызы