Қазақстандық ІТ компанияға Иордания үкіметі қызығушылық танытты

Қазақстан компаниялары Иорданияның нарығына шыға бастады. Солардың бірі - математикалық есептерді оңай әрі қызықты жолмен үйрететін Qalan ІТ компаниясы. Иорданиялық тарап бұл жобаны жоғары бағалап, серіктестік орнатуға ниет білдірді. Егер жоба Иорданияда іске қосылса, жергілікті үкімет салықтық жеңілдіктер ұсынып, қолдау көрсетуге дайын.

Бүгінде Qalan платформасын Қазақстан, Өзбекстан, Әзербайжан және Ресей елдерінде 1 миллион 300 мыңнан астам адам қолданып келеді. Компания келесі жылы Түркия, Тәжікстан және АҚШ нарығына шығуды жоспарлап отыр.

Садық Шерімбек, «Qalan group» компаниялар тобының стратегиялық директоры:

Біз жалпылама қамтимыз, бірақ негізгі біздің қолданушыларымыз әрине мектеп оқушылары. Біз қазір сол университеттерге арналған шешімдерді де жасап жатырмыз, келесі жылдың наурыз айына дейін бәлкім, ол жобамызды біз бітіріп қалуымыз мүмкін. Тек қана математика емес, ағылшын тілін жүйелеп үйрену және физика пәндеріне балйанысты, оқуға байланысты жобаларды қазір белсенді түрде қолға алып жатқан жағдайымыз бар.

Оңғар Алпысбайұлы