Ауғанстанда жер сілкінісінен қаза тапқандар саны 2200-ден асты

Ауғанстанда жер сілкінісінен қаза тапқандар саны 2205 адамға жетті. Тағы 3640 адам жараланған. Мұны Қызыл Жарты Ай қоғамы мәлімдеді. Қуаты 6 балдық дүмпу елдің шығысында тамыздың 31-де болды. Марқұмдардың көбі - Кунар провинциясының тұрғындары. Қазір елде іздеу-құтқару операциясы әлі жалғасып жатыр. Таулы аймақ болғасын мұнда кейбір ауылдарға жету қиындық тудырып отыр. Оның үстіне шағын дүмпулер әлі тоқтаған жоқ.