Йеменде Израильдің шабуылынан 35 адам қаза тапты

Израиль Йемен астанасы Сана мен елдің Эль-Джауф провинциясына жойқын соққы берді. Израиль әскерилерінің мәліметінше, шабуыл хуситтерге қарсы бағытталған. Снаряд түскен нысандар арасында қорғаныс министрлігінің кешендері бар. Шабуылдан 35 адам қаза тауып, 131 адам жараланған. Хуситтер өкілдерінің дерегіне сай, жергілікті екі басылым редакцияларының ғимаратында да жарылыс болған. Ал ЦАХАЛ шабуыл Йеменнен Израиль аумағына ұшқышсыз аппараттар мен зымырандар жіберуіне қарсы жасалғанын мәлімдеді. Тараптар арасында өшпенділік Газадағы соғыс салдарынан ушықты.