Газа қаласынан 300 мыңдай палестиндік босып кетті

Израиль әскері Газа қаласында құрлық операциясын бастамақ. 300 мыңдай адам палестиналық анклавтың оңтүстігіндегі гуманитарлық аймақтарға кеткен. Тағы осыншама адам қауіпке қарамастан қаладан кетпеуге бел буған. Өткен аптадан бері Израиль Газадағы биік ғимараттарға әуеден соққы беруді тоқтатқан жоқ. Соңғы мәліметтерге сай, 2 жылға жуықтаған әскери операциядан 64 мың 800-ден астам палестиналық қаза тапқан. Жараланғандар 164 мыңнан асты. Кейбір мәліметтерге сай «Хамас» та Израильдің құрлық операциясына қарсы дайындықты бастап, аға командирлерін тағайындап қойған.