Филиппиннің оңтүстігінде қуатты зілзала болды

Бүгін Филиппин аралдарының оңтүстігінде қуатты зілзала болды. Оның магнитудасы 7,4 баллға жеткен. Мұны жергілікті сейсмологиялық агенттік хабарлап отыр. Жер сілкінісінен қауіптенген Коронадал, Сантос, Кайаген, Таклобан қалаларының тұрғындары үйлерін тастап, далаға қашқан. Әзірге бір адамның қаза тапқаны хабарланды. Эвакуация жалғасып жатыр. Ал Индонезияның Сулавеси аралында цунами қаупі туралы дабыл қағылған.

Айта кетсек, Филиппин Тынық мұхиттың «отты шеңберінде» орналасқан. Мұнда жыл сайын 800-ден астам жер дүмпуі тіркелді.